أحلام عصافير

الطفل..
النور..
الحلم..
الحب..
الشوق..
التنهيدة ..
القلب الفارد درعاته
مشتاااق لِ النجماية بعيدة
الخوف بيطارد دمعاية
لجل ما يزرع دنيا جديدة
والطفل الساكن جواية
واخد م الشمساية مخده
ينعس على صوت الفرح
يفتح درعاته لبكرة ويتمطى
وادان الفجر ينادي،
الحلم نهار
وأنا قلبي خضار
والزرعة ح يحصدها ولادي
والضى وليد
لكنه بيحلم يوم يبقى،
طول عمره سعيد
اطفال مليين الكون
بيقولوا الفجر ما يرحل عن بكرة
ولا عمره يخون الصبح الجاي
والله يا بكرة استنانى واستنى الضي
انا جاي فِ معادي ومستعجل اشربها المي
تروينى من نيلها السمرة ،
تحمينى من جمرة ونار تحرق بكرة
وتكرر سكر ايامي وتنادي جوايا الفكرة
مستعجل قوى وبعون الله عندى القدرة
اغزلك توبك بوريدى ، وابنيلك قصر،
في القلب واثبت له جذوره
يا حبيبتى
يا حبيبتى ، يا مصر 

» عصافير الجنة
» التعلب فات