مــن غيــر حــدود ( وليد الابيض )

لحظة ما الحب أتولد
جوه قلبى ناحيتك
كنت لسه فـ أبتدائى
و كانت حصة للتاريخ
و أبله ( زينب ) فاردة الخريطه
و أنا سارح فـ كفك
سارح فـ عينك / الوطن
ملهوش حدود .
و كنت انا الطفل الصُغير
عـ التل واقف يستمع
نبؤة الأستاذ
فاتحٌ انتَ تٍلكَ البلادِ
أبله ( زينب ) تنده بأسمى
و أنا مش هنا
لسه فـ سفر
مابين تلال و أوديه
يعلىَ صوتها :
قوم يا ( وليد ) قولنا
حدود بلدنا الأربعة
رديت و أنا لسه فـ عينيكى .. بتوه
ملهاش حدود
كل إللى مرسوم عـ الخريطة
صنع البشر
أما الحقيقة
( فاطمه ) فـ عيونها السفر
من غير حدود .
فأستغربت !![center]