جرحي ليه /بقلم سيد يوسف مرسي

جرحي ليه
بقلم /سيد يوسف مرسي
الجرح جرحي
بس جرحي ليه ويخصني
ومصحي فيه أنين الآه
ساكن جوه قلبي
وباني سدوده
ومشيد جدار
كل ما أروي طريقي
يقهر حشاي
حتي الدموع سدت طريقها
         للفراغ
كل الخناجر كل السيوف
كل البنادق كل القذوف
فوق المنافذ بالقرار
ما العيال كانوا في جنبي
بعد الصيام لحظة فطار
قبل ما نسمي والأيادي
فوق الرؤوس
تدعي الإله يفك الحصار
فوق رؤوسنا قذيفة عميه
كيف ألملم كل الجراح ؟
همه فين ولادي
زرع أخضر
صار بخار
والنتن وقف يسقف
يدي أوامر للدمار
ذنبي إيه ؟؟؟؟؟؟
ذنب ولادي
يا أولاد عمومتي
يا أولاد خوالي
أنه قلنا فكوا الحصار
ولا ارتكبنا بعض الذنوب
في الشهر الحرام
أنا كنت  قاعد بين ولادي  
أحكي حلمي بالوقار
واعشم عيونهم عشان يعيشوا
واقول الفجر قادم من غير محال
لكن الجرح صابه التسمم
طلع خيوطه في الجسد
تحلف تقول سرطان
لافيه رجول ولا بواقي
اتحصنت !!
كله يثور بالأنين
كله يثور بالدوخان
أنا عارف إنه الجرح جرحي
فين الحكيم فين الطبيب
فين المداوي جسدي المريض
إللي راح في درب الانهيار
بُدي ؛؛؛بُدي
إنك ما تدي
أنا محتاج منك
إنك تقول
إنه ده كل الحرام
وتفتح طريقي
مش عشان أفر
لكن عشان أملك قرار