( ليه ) بقلم / محمد سعد عبدالمنعم

بقلم / محمد سعد عبدالمنعم

ليه
ليه تسيبيني ياحب سنيني
وتخليني أتوه وأحتار
ليه تبعدي عني وتنسيني
وأنا كنت في لياليكي نهار

ليه الحب مابينا يموت
ليه بتسيبي العمر يفوت
ليه بتخلي كلامنا سكوت
ونسيب الأيام تختار

ليه ضيعتي سنيني وعمري
ليه بإديكي بتخنقي قمري
دا أنا سلمت لقلبك أمري
وسبتيني في وسط التيار

كان نفسي اسمع منك كلمة
تنور ليا حياتي الضلمة
وألاقي علي شفايفك بسمة
تزرع ليا في قلبي خضار

لكن حلمي ضاع وإتهد
وطريقي في نهايتة إتسد
بس أستاهل كله بجد
علشان ماعرفتش أختار