اهداء لبيرم التونسى . محمد فتحى السيد

[center]

نص اهداء لروح استاذنا الكبير
بيرم التونسى رحمه الله
***********
الاوله اه
والتانيه اه
والتالته اه
الاوله مليم
والتانيه نص فرنك
والتالته ربع جنيه
الاوله
مليم واحد بس شبعنى
والتانيه
نص فرنك دلعنى
والتالته
ربع جنيه وجوعنى
الاوله
مليم واحد بس شبعنى وسد باب عالى
والتانيه
نص فرنك دلعنى عبرت الشط بخيالى
والتالته
ربع جنيه وجوعنى خلا الرخيص غالى
الاوله
مليم واحد بس شبعنى
وسد باب عالى امم الفيضان
والتانيه
نص فرنك دلعنى
عبرت الشط بخيالى يا بلدنا بالاحضان
والتالته
ربع جنيه وجوعنى
خلا الرخيص غالى واسودت الالوان
ــــــــــــــــــــــــــــــــــــــــــــــــــ ــ

الاوله اه
والتانيه اه
والتالته اه
الاوله حبيت يا نور العين
والتانيه قالولى مهرك فين؟
والتالته كسروا ورايا زيرين
ــــــــــــــــــــــــــــــــــــــــــــ

الاوله اه
والتانيه اه
والتالته اه
الاوله نصرف ونتعلم
والتانيه الاهل تتألم
والتالته رقصنا ع السلم
ـــــــــــــــــــــــــــــــــــــــــــ
محمد فتحى السيد

[b]

اخى وصديقى الحبيب
الشاعر الكبير محمد فتحى
نصك رائع للغاية
لك مودتى وتقديرى

» اهداء الى الاستاذ / محمد فتحى السيد
» اهداء من الشاعر محمد فتحى للشاعرة جيهان فتحى
» الشاعر محمد فتحى السيد والشاعرة جيهان فتحى فى سجال عيون القمر . وآراء النقاد
» لسه بتفرعن . محمد فتحى السيد
» أهداء من الشاعر محمد سعيد للشاعر محمد فتحى السيد