ضحكت شهيد ماليه الوجود .. ضياء الدين البري ( للاشتراك في المسابقه

أحمد مصطفي البري كتب :

ضحكت شهيد ماليه الوجود

.....

من سنين
القلب كان ساكِن هنا
تايه حزين
جوّا الكهوف
مسجون في حلمه بْقهرته
دايما يصبّر نبضته
من غير خضوع
صامد ويحبس أنّته
منـّي أنا ..
ولأن دا حكم القدر
حاولت اهدّي كام سنه
ساكت مقـدَّر لهفته
وقد إيه كان الحَنين
جوّاه آهات مستوطِنه
تنده علينا بأعلي صوت
إسمعني ياكل البشر
عايزين نفضفض أو نموت
إمتي نقول من حقنا .؟
ونـْقوم نحرّر نفسنا
مهما النتيجة تكون خطر
النخوه طفشت منّـنا ..
هربت وساكنه جوّا غار
بين الضلوع متجمّده
تاهت من الظـّلم الحروف
إتبعزقت جوّا المدار
بين الجفون ، تلمح عتاب
موجوع يواسي نبضنا
خلاص نسينا فجرنا .؟
وليه ياناس صعب القرار .؟
عشان كدا
رغم التحدّي والظروف
خايف ياقلبي يجيك شرار
أو تنسجن باسم الجنون
أو يندفن جوّاك نهار
أو تبقي أنثي ومستعار
كتير ياقلبي كات ظنون
تزرع لي خوف
فوق الجبين
وكنت لمّا باسْمعك
الدمع يهرب م الجفون
واتخيّـلك جوّا الكرار
وكـْفايه إن الصهد نار
رغم المرار
من غير وعود
مابقتش قادر أمنعك
حتي ان كدبت هصدّقك
حتي ان خطيت برّا الحدود
حتي ان طفيت ضي الشموع
مش هاغصبك
ولا هامنعك
من فرحته ..
وبدون كلام ..
ف اللحظه قام
قلبي وودّع رقدته
وبهمّـته
ويّا الشباب هدّ السدود
خضّر قلوبنا بالدّموع
بقلوب ولادها المخلصين
الكل شاف
ضحكت شهيد ماليه الوجود
وبأمر رب العالمين
خلّص عباده بقدرته
حرّر بهيّه م القُيود
ورْجعْلنا مجد الجدود
يارب كتّر فرحنا
....

[b]
الشاعر الجميل
احمد مصطفى البرى
وشهرته ضياء الدين البرى
شكرا لك على مشاركتك الراقية
ونتمنى لك التوفيق والتألق المستمر فى سماء الابداع
.[b]

» ولسّـه عايزه تفهمـي .؟ للاشتراك في المسابقه..ضياء الدين البري
» أشوف الدنيا في عنيكي ..ضياء الدين البري .. للاشتراك في المسابقه
» ياااااذكري عاميه... ضياء الدين البري (الاشتراك في المسابقه)
» من غير إحم يابا .. ضياء الدين البري
» ولسّه مش عايزاني احبك.؟..ضياء الدين البري