أنا عارف وعاشق

[b][center]أنا عارف
ان اللى انكتب فيك
يامصر سطور
وانا عاشق لياليك
وعشقك جوه قلبى بحور
ياام النيل ياسهرانة
فى جناين نور
تاريخك غنوة محفورة
بقلب الكون
سطورك من دم شهدا
ودمع عيون
فى سينا البكر حضناها
فروع زيتون
ياغالية ياام توب اخضر
ياحضن حنون
عرفتك قد ما عرفتك
ولساكى بقلبى النور
وضيك شمس دافيانه
وفوق شطك نغم مسحور
بيتعاجب على نيلك
بيتغنى بمواويلك
ويحلم انه صابه الدور
يجاور قلبك المليان
دفا وحنان
وليل ونهار بيدعيلك
وباستمرار
ايديه شقيانه
فوق ارضك
عشان مايطلع النوار
فى عيدك سته اكتوبر
حول من ظلامنا نهار
وعادت الفرحة لقلوبنا
يوم عبر رجال ابطال
ومسحت سينا دمعتها
فى افرول
اللى عدى وثار
وكبر رملها فى عيدها
وغنى قلبى ع المزمار
تعيشى عالية يابلدى
مابين الخلق والاوطان

تم التقييم من قبل العضو رقم واحد
وتم ارسال التقييم لرئيس اللجنة