من رباعيات علاء البلتاجي ( مسابقه )

1
غمت عينيا سحابه و في الدنيــا بتخبط
والقرد عاش في الغابه مبسوط بيتنطت
فــ عرفت ان الغابه مفهاش وحوش و ديابه
دول طيبين و غلابه و الناس بتتلخبط

عجبي !!!

2
نسناس بياكل موز عــ الشجره زاد لعبه
و انسان بياكل لوز و أكل وراه صابعه
حاجه غريبه بشكل !! بعد اما خلص الأكل
واحد شبع من الموز و التاني زاد فجعه

عجبي!!!

3
ارفعي يا نعامه راسك بلاش خجل و كسوف
واجهي عيون ناسك و كفايه جبن و خـــوف
مايهزكيش ريحــك دي البركه لسه في ريشك
و الكل داء كاسك والكل جتله ظروف

عجبي !!!

4
هــ تكسب ايه من الدنيــا يالي قصدت المال
من غربه للتانيه شقيان في رزق حلال
فاكر النهايه سعيده يا وحيد في تنهيده
و وراك في ست وحيده بتربي بطولها عيال

عجبي !!!

█▓▒ علاء البلتاجي ▒▓█

مشاركة رائعة
تم التقييم من قبل لجنة التحكيم
فشكرا لك والله الموفق