من غير إحم يابا .. ضياء الدين البري

السلام عليكم .. كلام من قلبي
أحمد مصطفي البري كتب :

من غير إحم يابا

...

من غير إحم يابا
أنا توهت في الغابه
كان نفسي في ربابه
والطبل والمزمار

**
حاولت اكون شاعر
أكتب كلام واعر
م القلب ومشاعر
وانسج لك الأشعار

**
الصبر شيء نادر
حاولت مش قادر
حتي الكلام غادر
حبسني جوّا الغار

**
كان نفسي في حْكايه
أرسمها في مْرايه
وتعيش هنا مْعايا
تحكيني ليل ونْهار

**
حيتان بناب مسْموم
خللوا الجنين مرحوم
زارعين حياتنا غيوم
حابسينّا في الدوار

**
سدّوا علينا البير
بيقولوا م التّبذير
يحرم علينا الخير
يسْـقونا مر وحار

**
الصحه عايزه علاج
من كتر ماحْنا عجاج
والمسأله فْ إحراج
عايشين حياتنا مرار

**
الجوع وخَْدنا عليه
ودموعنا جرْيت ليه.؟
الدنيا شهدتْ بيه
الليل في آخره نهار

**
رب العباد ياكريم
إرزقنا عزْم صميم
القدس شأنه عظيم
إمتي ناخدْ له التار.؟

**
شايلينه وفْ دمّـنا
هوّ هلال عزّنـا
إمتي نصون مجدنا.؟
إمتي نعيش أحرار.؟

**
نفسي أعيش لمـّا
ألقي الولاد هُمّـا
شالوا الهموم يامّه
يحموكي م الأشرار

...

شكرا لمشاركتك بهذا العمل الراقى
من غير إحم يابا .. ضياء الدين البري 99124

تم التقييم من قبل لجنة التحكيم
وارسلت النتائج لرئيس اللجنة

» بين شطـّينك بالقي حنانك..ضياء الدين البري
» ولسّه مش عايزاني احبك.؟..ضياء الدين البري
» وبضمير الشعب قــرّر.... ضياء الدين البري
» ولسّه مش عايزاني احبك..ضياء الدين البري
» إلطــم خـدودك يـازمــن .. ضياء الدين البري