اشعار بالعربية المصرية ـــــــ مربعات

اول كلامى اوحد
اللى خلقنى ونشانى
ملعون ابوة اللى افسد
واللى بالشر جانى
ـــــــــــــــــــــــــــــــــ
الكفن ماله جيوب
يـابـو ذمـه واسـيـعـه
تــوب لـغـفـار الـذنـوب
الـرحـمـه عـنـده واسـيـعـه
ـــــــــــــــــــــــــــــــــــ
الوشوش نفس الوشوش
الحكايه هيه هيه
الطيور تاركه العشوش
والغربان غاوية الأزيه
ــــــــــــــــــــــــــــــــــ
عنق الزجاجة اتكسر
المارد بقى براة
الفاجر ظلمة انحسر
ولا تانى قولة آة
ـــــــــــــــــــــــــــــــ
ياه ع الدنيا لما بتدى
تجى بهناها لحد الباب
وأما تكشـر دوغرى تعـدى
لـجـلـن نـاخـد بالأسـبـاب
ـــــــــــــــــــــــــــــــــــــ
عقرب ثوانى الساعه
بـيـفـط قـدامى حياه
فـيـهـا أيـه لـوكـل سـاعـه
تـســبـح أطـرافــى الإله
ــــــــــــــــــــــــــــــــــــــ
أنـا شـغـلـتى صـيـاد
والصـيـد صـبـر وغـنـاوى
يـا رازق جـمـيـع الـعـبـاد
إرزقـنـــى أنـا بـرده هــــاوى
ــــــــــــــــــــــــــــــــــــــــــ
صورة المرحوم أبويه
ع الـحـيـطـه مـتـسـبـتـه
لـو تـركتـه مـنـديـل بـأويـه
ولا أســـره مـــتـــفــــتـــتـــه
ــــــــــــــــــــــــــــــــــــــــــ
راكب حصان خيالى
وذادى حــبــة أمـــل
عـايـشـهـا ع الـتـوالــى
مــا افــرحــش لـو تِـِكِـِتـَمَل
ــــــــــــــــــــــــــــــــــــــ
ولسه بحلم يا مصر
بشمسك الدفية
تحضن نسيم العصر
وتعودى متعافية

الشاعر * معوض مسعد العباسى