رباعيات ف وصف مصر

وصف مصرـــــــ رباعيات بالعربية المصرية

يام الجـبين عالى الورد فوق الخـدود
ياللى القمرف سماكى سهران ليله موعود
تستهلى الحُـب ياللى حـبك من غيرحـدود
عـلـشـان مانـتـى غـالـيـه حـبك كل الوجـود
ــــــــــــــــــــــــــــــــــــــــــــــــــــــــــــ
يام الرجال يا صابره يام البطل والشهيد
يام الـدنـيـا يا حـره يام العـزيمـه حـديد
السلم طبع ف ولادك ف الحرب هما الجنود
لـو يـوم يـجـورأى ظـالـم يكـون لـنـارك وقـود
ــــــــــــــــــــــــــــــــــــــــــــــــــــــــــــــ
غصن الزتون بيمينك حـمام بتطيريه
وآدان يـوم الـجـهاد ع الـمدنه بتقـوليه
لبـى كل حـبـايـبـك واللى علـيـكـى يـغـيـر
لـمـا تـقـولـى يـا ثـوره تـلـقـى الـثـوار كـتـيـر
ــــــــــــــــــــــــــــــــــــــــــــــــــــــــــــــ
يام الضريح أخضر حَاضنه الصليب والهلال
تيجـى الأولـيـه تبـخـر ساحـتك بعـزم رجـال
يـاسـايـعـه الـلـى اتـهـجـر مـــدد يـام الـعـيـال
يـاجــنــة الـلـى اســتـنـظـر تـتـغـيـر الأحـــوال
ــــــــــــــــــــــــــــــــــــــــــــــــــــــــــــــــــ
يام الجدايل دهب يام البنات الحور
فيكى صنوف العجب زرع الأراضى البور
يـا نـبـض قلب العرب يا كبيره قـد القـول
لو جـات ريـاح الـغـضـب فـتـحلنا طـاقـة نـور
ــــــــــــــــــــــــــــــــــــــــــــــــــــــــــــــــ
يام الأزهرمناره رافع ريات الدين
علمتى الدنيا الحضاره والجدود شاهدين
عـشـقـك زواد ولادك يا نـور وضى العـيـن
قـال الإلـه بالـمشـيئـه آمنـه طـول السـنين
ـــــــــــــــــــــــــــــــــــــــــــــــــــــــــــــــــ
يام الهرم والنيل الطيبه فيكى دليل
خيرك من طمى نيلك جـوك يشفى العليل
شـمسـك فجـر النهـار لم تحـمى ولا بتغـيـب
الـضـلـمـه فـيـكـى عـمـار وَنـسـهـا قـمـر الـلـيـل
ــــــــــــــــــــــــــــــــــــــــــــــــــــــــــــــــــــ
يام السواقى ينبوع ترضع أبكار الأرض
عَلمك لفـوق مرفـوع الصـارى لن يـتـهـد
عمرالصغـِيٍر ما يجـوع أرضك حـارسها السـد
الـقـصـد والـمـوضـوع عـظـيـمـه مـالـك قــــد

الشاعر * معوض مسعد العباسى

الشاعر الجميل معوض مسعد شكرا لك على مشاركتك فى المسابقة
ونتمنى لك التوفيق والرقى المستمر
لك محبتنا وأجمل الورود

» سبعه رباعيات مجمعه من رباعيات ( العصفور) ل/محمد رمضان شفيق
» رباعيات( الاحزان) لمحمد رمضان ...وبعض رباعيات العصفور
» رباعيات وتأملات
» رباعيات ناصر على
» رباعيات رضا عثمان