الشاعر..رضـا فايـد..مربعات..رباعيات

مربعات .......رباعــيات
.....................
يامصر قومي انهضي
طول ماانتي ولاده
يكفي الجراح والنبي
خلي الفرح عاده

خلي نور الفرح ضيك
حققي حلم السنين
والله مافي الارض زيك
واللي زيك بس فين
.................................
يامصر ياطيبه ياام الهرم والنيل
خلي الامل مركبك قومي وشدي الحيل
لمي الولاد كلهم لجل الايادي تشيل
عنك جراح الزمن وتزيح ستار الليل
..............................
ياحلم ف المجزره جثه ورا جثه
حلمك بقي مقبره والعين عليك لسه
وايدين اهي مشمره واقفه عليك حارسه
عايزه يجيك الموت فوق الجتت هرسا

إمتي تقوم مـ الموت وتبص لي بصه
وتشوف إيدين صنتها جايه عليك تقسي
وتدوس عليك بالجزم وتقول خلاص انسي
حلمك خلاص مركبه تاهت مفيش مرسي

آه يازمان العجب يبقي الأصيل خاين
واللي يبيع رملها جوه العيون زاين
تشكي لمين غربتك ماانت بقيت هاين
والكل باع واشتري ونهار ماهوش باين

تصبر تقول العشم ف الصحبه واللمه
وتقول هاشيل الكفن واهرب بعيد لما
أصبح الاقي الوطن حضنه مالوش ضمه
هارجع أنا لغربتي وانسي أقول يامه
......................................
قالوا عليا تعيس
والعقل صابه جنون
اصلي ياناس حبيت
اجمل نساء الكون

وشربت نار مجدها
ببكي عليه بجنون
عاشق تراب ارضها
عشق القلوب ملعون

بكتب بدمي اسمها
وتحطه كحل عيون
حاصد مرار حزنها
وازرع مكانه غصون

تطرح غنا لفرحها
يسمع صداها الكون
د اللي يدوق عشقها
يحلف عليه ماتهون

الشاعر الجميل رضا فايد شكرا لك على مشاركتك فى المسابقة
ونتمنى لك التوفيق والرقى المستمر
لك محبتنا وأجمل الورود

» كبـرياء انـســــتان..الشاعر..رضـا فايـد
» الشاعر..رضـا فايـد..شـعر غنائي..بكره يندم..كبرياء إنسان..لمي شراعك وارحلي
» حـنـــــــــــــين..الشاعر..رضـا فايد
» إعلامنا ماسك جرس..الشاعر..رضــا فايـد
» الشاعر..رضـا فايــد..(زجـل ..شعر عاميه).أحلي الحروف..آه يا قلم..حلم كداب