بحبك يامصر ..

( ........................... بحبك يامصر ..بحبك يابلادي ............................)
خلي بالكوا إن الحلول.......
سهله أوي مش مسالة صعبه .....
الصعب حقيقي ان الفلول ....
ينسوا كراسي وكانت لعبه .....
بيفرقها عجوز مخبول .....
للي بيكدب عليهم كدبه ....
فضل الشعب كتير مذلول .....
و كتير فضل نار الغربـــه .......
واللي بيرفع صوته مسحول ...
وبيتمرمط ويا الصحبه .....
علشان يفطر بطبق فول...
وان كل لحمة تجيله زغطة ...
ماشي علطول بوبر منحول....
وبيتمنى تراب التربه ......
غيره ياعيني بات مشلول....
م الأوضاع اللي بقت نكبه ....
يلا نصحصح كل كسول.......
منفرجش علينا أوروبا .......
مش هنطاطي مش هنقول..
عايزين قرض وعايزين وجبه.....
أرضنا خصبه أرض بتول .....
مستنيه يادوب الحبه ......
يارب دعانا يكون مقبول .....
وتملا بلدنا وئام ومحبه .
بحبك يامصر ..بحبك يابلادي ....................................
المخلص : إسماعيل الخولي .