![Crying or Very sad](https://2img.net/i/fa/i/smiles/icon_cry.gif)
ذكري بقلمي سعاد حسن رستم
كل اللي أنا فاكره ذكري في حدوتة
بطلتها كلمة آه وبطلها قلب حزين
بدايتها صرخة طفل وويا الصرخة زغرودة
وأب خايف من عين الحاسدين
والصرخة صاحبتني من صغري حتي كبرت
والآه دي لازمتني للتوهة أخدتني
خلتني قلت زهقت
قدرت ونستني دلوقت أنا أكون مين !!
أنا لأ مش ناسي لكني بتناسي
يمكن عشان ناسي جرحوني بزيادة
والدنيا بتزود جرحي وتتمادي
وكإني مش عايش في دنيا بني آدمين
وكتير أقول بكرة أجمل من إمبارح
والجرح كان ذكري والحزن أهه رايح
لكني أتفاجئ بالجرح لما يعود
وكإني متواعد بالدمع أتواعد والفرح ينساني يخلفلي أي وعود
لكني دلوقتي مبقتش زي زمان
خلاص كبر سني والسن له أحكام
أنا خوفي دلوقتي لأحسن أموت وحدي ولا حد بية يحس
أولادي هجروني وأخواتي نسيوني من بعد مخدوني للو حدة وسابوني
ولا بيدي غير أدعي
يارب يوم مأموت جيراني بية تحس
بقلمي/ سعاد حسن رستم