الواد(الول) زي الفل

[center]


( الواد الول )
--------------------------
الواد ( الول ) واد زي الفل
واد ولعه صحيح
بيحب الكل
فاتح جنبه درج المكتب
والناس رايحه وجايه بتدفع
لعلاج السل
----------------------
اصله نحيف - راتبه ضعيف
بيحسن دخله
حيكون ايه اخره
كم ملطوش
-----------------------
لو حاول مره يعمل فلحوس
وأكل رنجه
او حط البيض عالطعميه
ونفسه ف عجه
يبقي ياويلهم وسواد ليلهم
ولاد الفرطوس
-------------------------
يقتح درجين ولازم يدفعو
واقفين بالدور
والواد ولعه شغال بموتور
بيغير زيته من قفي مساكين
طالعين نازلين يدعو المولي
يحنن قلبه
ويزيد - الول - كمان وكمان
من قفي محروم
عمره ما اذنب بس بيطلب
يخلص اوراقه من ايد مسؤل
----------------
بقي كدا يالول
ياصباح الفل
الاول يعني
احسن تزعل
انا مش بحسد
عايزك تحسب كل المحصول
------------------------
ياتري بيكفي ولا نغير
بنود الدستور
علشان يسمح تفطر قشطه
ومعاها بيتيفور
-----------------------
دا الواد ( الول ) واد زي الفل
لما بيخرج من ايده مشرط
من غير ما تحس يشق جيوب
فشر الدكتور
لو فاكر ان كلامي اونطه
بكره تصدق لما تشـــرف
ويجيك الدور
وساعتها تقول - الول - الول
واد زي الفل
-------------------
قلم \ نزيه تركي


نزيه محمد صادق تركي