أبويا اللى فى علم الغيب

أبويا اللى فى علم الغيب
_____________
حتة طينة نفخها الرب تطلع منها إيدين تتمد تنزل بيها سابع أرض
تفتح ميه فى قلب الضهر ينزل منها اول عرض جــــــــــــدى .....
جدى .. اللى أول أول ماتجوز ستى
كان أبويا شوية ميه فى ضهره جرعهم لأمه ومات..
وأنا وشوية نزوات بنوزه فأجيله فى ضهره وأرجع له
كل ما يرمينى أناغشه فى ضهره يناكفنى وأناكفه فاض به
فاتجوز أمى بقايمة ونص مشنة عيش ساقطة من عرق مسوس
وناروزة بينزل منهاعمود للشمس مخرز بعفار متلون بيلف ويلمع
وبركة ينام على بطنه يقربع منها ويسد الباب بالمدرة
يا ســــــــلام على المدرة جهنم حمرة وطلعت له
ويقوم ويدرى جران الخلق لوحده وعفار الدنيا كوام على رمشه
مكياج بلياتشو بيمسح قرشه
يتعب وينام والجرن فى حضنه وتراب متندى بيستر جسمه
ألعب بصباعى أكتب له "
إن عذاب الدنيا أنا شايله بحسك "
وأمى اللى بتربطنى فى ديل جلبتها بتفك العقد اللى فى ضهرك
وتكبر وترص فى ضهرك لما الدنيا اتنحلت منك
بتعافر فيها لوحدك وتميييييييـــــل تسندها برجلك
تتصور .. بيقولوا ..بتشطب اسمك .
__________________
عبد الباسط السرسى

» أبويا اللى فى علم الغيب
» اللى عندى مش صداع
» مين اللى قال للتار على سكة البصره
» موال ( يا اللى غاوى الجمال )
» الشاعر حلمى ابراهيم . يوميات من الزمن اللى راح جيّ