قصيده ((رساله الي الساده البهوات)) لمحمد رمضان

قصيدة ( رسالة الي السادة البهوات)

لمحمد رمضان شفيق
**************


حضرات السادة البــــــــهوات
أدي انتفاضـــــة شعب بسيـــط
في الشــــدة يتحدى الأزمــات
لوكنتو فاكرينو شعـــــب عبيط

لا نفعكو منصب ولا سلطــان
ولا حتــى خزاين مليــــــــــانه
ملتوها بسرعة وإتقــــــــــــــان
من قوت الناس الشقيــــــــــانه
الموجودة في كل مكـــــــــان
من بحري لغاية أســــــــــوان
كنتم أســـــوأ من الشيطــــــان
سبتولنا بلـــدنا خربـــــــــــــانه

ولاتعلـــيم ولا صحة كــــــمان
وحوادث أشكال والـــــــــــوان
وقلبتو الإنســــان حيـــــــــــوان
مين بس بسعــــادتـــــكو رزانا

بليتونا بأمراض سرطــــــــــان
ملـيتولنا بيوتنا بأحــــــــــــــزان
نص الشعب صبح عيــــــــــان
وشحتـــــم على حســـــه إعانـة

للخـــارج طفشتـو شبـابنــــــــا
قالك كاس المـر شربنـــــــــــا
والفقر اهو واقف على بابنــــا
مش معقول نتعشى غـــــــدانا

مش معقـول داحنا اتهزئنــــــا
كل شبــــــاب الدنيا سبقنــــــــا
بعد ما كنا في مصر عشقـنـــا
كرهتونا بكل أمــــــــــــــــــانه

وفي مصر أهي ضاقت أرزقنا
رحنا الخارج خدنا جَزَأْنــــــــــا
مرمطوا فينــا لما زهقنــــــــــا
مش تبقى بزمتـكو خيـانـــــــــة

ذمــــة إيه أنا أصلي نسيـــــــت
كنت هبـوظ كــل البيـــــــــــــت
أسف لو كنت اتعــديـــــــــــــت
على ناس خاينة لكــــــل أمـــانة

ضيعتوا حقــــوق الإنســــــــــان
وعصيتو كلام الرحمــــــــــــــن
وخالفتوا جميع الأديـــــــــــــــان
وختو جزاءكو بفضل دعـــــــانا

دعــــــوة شعب عليكم هــــــــان
وصلت فورا للديـــــــــــــــــــان
كل مـاتيجـي تدين هتــــــــــــدان
ختو جزاءكو بكل اهــــــــــــــانة

مرمييـن زي الجـــــــــــــــرذان
عبرة لكل مكــان وزمـــــــــــان
غضب المــــــولى عليكم بـــــان
والزنـازين بيكـم مليـــــــــــــــانة

لو شيلتــم كــل القضبـــــــــــــان
لو سخــــرتوا ملوك الجـــــــــان
وحلفتــــــونا على القــــــــــــرآن
ولا عاد ينفع بردة معـــــــــــــانا
ولاعاد ينفع برده معـــــــــــــانا
****************
تحياتي

محمدرمضان شفيـــق
المحامــــــــــــــــــــــي