محمد محمد نعمان على
محافظة قنا
مشاركاتى فى الجولة الثانية
فى مسابقة امير الرباعيات
لعام 2017
=================
فى الكون عبر وآيات وجمال لة معنى
حتى الشجر والجبال بتكلمنا و تسمعنا
تحت البحارجوه الغابات فوق الصخور
حاجات كتيرة بتضرنا وحاجات بتنفعنا
=================
فى الحى بنت جميله ضحكتهامافيش زيها
رموشها سيف بتار و عيونها عيون المها
كل اما اشوفها اقول سبحان من صورك
كل الجمال والدلال والحسن فيكى انتهى
=================
أيام وسنين وبنعيشها ع الحلوة وع المرة
لا انت لوحدك بتتألم ولالوحدك فى مسره
ارضى بنصيبك و هتعيش سلطان زمانك
لومش عاجبك الحال دة شوفلك بقا مجره
=================
دى الدنيا مرسومة بقلم وارزاق بتتقسم
اللى مايرضى بنصيبةعلى نفسة يترسم
دة هوا الهموم مسموم خليك بعيد عنه
وارمى حمول الالم ع الارض واتبسم
-----------------