مين اللى قال للتار على سكة البصره

لما نفسَها
يعدى فى ضلوعك
احكيلها عن جوعك
وعن طعم البرتقان
اللى متسرسب مع دموعك
وعن فردين حمام وعنكبوت
واقفين على سكة رجوعك
....
ام الوليد اللى مستنيه راسى
عشقتك موت
وشمت اسمك
فى اول سطر كرَاسى
بطعم التوت
...
فمتسأليش الحضره
عن رهبان تعد الرمل
الرمل مش حيسد جوعك
ولا اغتراب الشقيانين فى الحضره
خلاص سقطت البصره
...
زيدى الادان....يمكن
عيل وتايه فى الميدان
يقدر على القدره
يفرشلك الاحلام
على سكة رجوعك
...
فردين حمام وعنكبوت
واقفين فى سكة لانبيا
والرمل نار
مين اللى وشم السكه
برايات التتار
مين اللى علَم لانبيا فى الغار
غباوة الانتظار
مين صاحب الفكره
مين اللى قال للتار
على سكة البصره
....