فاطمة و الحلــــــــــــــم الكبيـــــــــــــــــــــــــــــــــــــــتر

من بين صوابع إيديك

دخان سجارتك ..

يرسمك

حلم تعيشه ..

يلجمك

تنسى الطفولة و الصحاب

و إيدين كات تتمدلك

و أنت بتحبى تسندك

تعلمك تمشى الطريق

تنسى فاطمة و حبها

و أما كنت بتتلقى الدفا ..

من سمارها ف برد الشتا

لكن ..

فاطمة أتغيرت ..

صغرت قوى

جوه حلمك الكبير .

و أما سجارتك تنتهى ..

و الحلم فيها يلسعك

فاطمة حـ تشوفها ..

ويتنى هيستون ..

و انت كيفين ..

ف البودى جارد ..؟

ولا حـ تولع سجارة تانية .. ؟