نون والقلم وما يسطرون

سيب القلم على السطور ياراسم الكلمات يبكى
سيبه يبوح يضحك ينوح
وبالالام بالحبر على الورق يشكى
حرام عليك بات اسير القلم لاحساسك
وما عاد الكلام منه كمان يجدى
اديله حريه ليعلنها عليك ثوره
وفرله الورق والحبر ليقومو بمظاهره
بميدان المعارف والفكر والادب والاشعار
رافع علم بينادى بانصاف لحرية الكلمه
اعلنها ديمقراطيه وكمان تكون حره
دا الكلمه لو مره برضه ليها بالاساس معنى
والى ما يسمعنا هنقيم عليه ثورة
دا الكلمه لو بدون احساس تضيع وتغور
وتقع من الازهان والدفاتر ولا يخلدها الزمان
الكلمه رساله كتبها القلم وفيها سر الكون
سبحانه جل فى علاه اقسم بحق النون
وكمان رفقها بالقلم وما يسطرون
بقلم
راسم محمد