اللى عندى مش صداع

وبأيه يفيد الأسبرين
واللى عندى مش صداع
اللى عندى قلب عاشق
بس خايف مــ الضياع
اللى عندى حب صادق
جوه قلبى بدون قناع
اللى عندى رياح عفية
والمركب من غير شراع
اللى عندى بحر هايج
والمراكبى مش شجاع
لساه بيتهجى البحور
لسه مفطوم م الرضاع
اللى عندى مش صداع
اللى عندى أربعين
درجة حرارة الاشتياق
والدواعندك فى طيفك
ابعتلى حتى ولو شعاع
يقوى جهاز المناعة
ويخلى الدنيا متاع

****