( مزاد على وطن ) .... قصيدة كامله

القصيدة الفائزه بالمركز الثانى فى مسايقة رابطة شعراء العامية يونيو2012 .... شعر العامية
=================================================

لو فى وطـــــن يتباع
بالطبع فيه شــــــارى
العِــــــــرض يستباح
وعرشه مـــش غالى
فرطــــــــــــوا عقده
كتبوا علـــــــى عقده
مسموح ومــــــجانى
لا هو غـــزو ألمانى
ولا كانش بريطــانى
دستور بإيد عســــكر
منكر يتوب يســـــكر
وخيانته مـــــــنه فيه
خلوكى متـــــــــهانه
آه ياورده دبــــــلانه
لسه خجـــــــــــلانه
هيمـــانه ليه ف أيه؟
سرطــــــــنوا زادك
صدروا غــــــــازك
المـــــــــيه فى نيلك
حزنانه على طيـــنك
مرضـــــــــــــــــانه
وتشفى مـــــــــــين؟
بما إن أنا غـــــاوى
نويت أكون شــارى
حياخدوا منى كــام؟
لو كنت حـــتى ثرى
قاروون ده ولا هامان
ف زمانــهم انت فقير
ويجوز عليك إحسان
شوفلك وطــــن تانى
باعوها بالمــــــــجان

» ( وتر متهان ).... قصيدة كامله
» مزاد على وطن(للأشتراك فى المسابقة )
» قصيدة : شقى جدار الزمن ( قصيدة فائزة بالمركز الثالث في مسابقة الشاعر على الصافى الكويتية عام 2001
» ( كوز بطاطا ) ..... قصيده زجليه كامله
» قصيدة فى حب مصر