( كوز بطاطا ) ..... قصيده زجليه كامله

القصيده الزجليه الفائزة بالمركز الاول فى مسابقة رابطة شعراء العامية سبتمبر 2012
صباحوا قشطه
نهاروا أبيض
مافيش سؤال
ولا حته رنه
من غير ملام
عليك يا خال
يا ابو العيال
معقول محال
أزعل و منك
يابو ضحكه حلوه
تقولش غنوه
ف احلى وش
أؤؤمر ياباشا
عايز بوغاشا
مريض بسكر
حاسب وكش
بتشوف عكاشا
فلوسه كاشا
فتح قناته
فرحان بذاته
حاضن حياته
ودكتوراته
ف أزاى تغش
عنقود غتاتا
على كام تباتا
ده جزمه باتا
أول ماتلبس
تشم ريحة
دود ف مش
دماغ بلاطه
ماهو كوز بطاطا
مع كله طاطا
يبوس ايادى
خنيىء ف دش
واخدها عنوه
عنتر زمانه
تسمعلوا غنوه
بفلوس خلانه
وماما جابت
كمان وعادت
حلوف بيحلف
وحقيقته بانت
مربوط ف ساقيه
ماهو طور و حَش
ع الخد يلطم
شرشوح إرارى
والمزه قالت
ده معجبانى
بحبوا يابا
لو كوم ف قش
ومعاه حياتا
دى شربتاتا
عايزالها طوبه
على راس ابوها
ماتفوقوهـــــــــا
بنص دبش
حيحط حطه
وينط نطه
على احلى قطه
سلام يابطه
شيطان يوزك
عشان يذلك
وتبقى وزه
يركبها جحش