أمَّا قصه !! . فارس القرشى

أمَّا قصه
,,,,,,,,,,,,,,,,,,,
جاي تاني .. تقول بحبِّك
جاي تخدعني .. بكدبَك
تاني لسه
أما قصه
جاي بتحلم بالرجوع
لا ب ندم ولا ب دموع
يمسحوا الحزن لكرامتي
أو ترجَّع لي ابتسامتي
أنسىَ جرحي ياجارحني
تاني لسه
أما قصه
كنت واهبه قلبي ليك
كنت بتبيع وأشتريك
والنهارده الكلمه واقفه
قلت آسف .. برضه آسفه
تاني لسه
أما قصه
إنت .. إنت اللي غدرت
ف النهايه .. واعتذرت
ليه راجعلي .. تاني تبكي
مش هاصدَّق لما تشكي
تاني لسه
أما قصه
جاي تاني .. تقول بحبِّك
جاي تخدعني .. بكدبك
تاني لسه
أما قصه
......................
الشاعر/ فارس القرشي
عضو رابطة الزجالين وكتاب الأغاني

» وحيد . شعر فارس القرشى
» نفسى يا امَّه . شعر فارس القرشى
» إزازه عايمه . فارس القرشى
» دعوه للعزوبيه * فارس القرشى
» ماتناديش. كلمات الشاعر فارس القرشى . حلوان