لاجل ما تعيش السواقى

لاجل ما تعيش السواقى
بين غيطان الفلاحين
لاجل ما الفلاح يلاقى
زرع أخضر م الحنين
لاجل ما تفرح بلادى
لاجل ما نعيش مبسوطين

الغيطان الحلوة ديه
والنفوس المتراضية
والعيون السود تهلل
يوم ما تلقى اللقمه نيه

والقشف مالى ايديهم
والعرق بحر وماليهم
والهمم عاليه وشامخه
يوم ما ربك بيراضيهم

والطيابه والصلابه
أما معدنهم غلابه
يوم ما يلقوا الديب يعوص
يجروا قدام الديابة

والسلام طبع مراعيهم
والخصال الحلوه فيهم
يوم ما تلقى مصيبة حطت
تلقى كل الناس معاهم

والايمان والصبر شيمه
والعادات دايما قديمه
وتلاقيه مسكين ومعدم
بس راجل كله قيمه

والأسف وبا قول خساره
يوم ما بتذله الإماره
لما يلقى واد أفندى
يلعنه ويلعن أبوه !!!