قصيدة...اصحي وفوق...للمسابقه الكبري

إصـــحي وفوق
...................
يا كل مافي الوطن
اصحي ثواني وفوق
دا الامر اصبح فتن
والحق مات مشنوق
اوعاك تتوه فـ السبق
وانت الاصيل والذوق
خايف عليك تتسجن
ويلف روحك طوق
تغرق فـ شط المحن
تصعب عليك وتدوق
طعم المرار والالم
لما في لحظه تفوق
وتشوف تراب الوطن
منك خلاص مسروق
اصل الحكايه عجب
والكل باصص فوق
شاري الصفيح بالدهب
للكرسي واخده الشوق
واحنا بقينا غنم
محتاجه فحل طلوق
يضرب ابونا بصرم
يمكن دماغنا تفوق
ونداري توب الوطن
اللي صبح مشقوق
بالفتنه والتفرقه
مزعنا توبنا خروق
والله لو ننعدم
منا الوطن هايروق
ويلاقي غيرنا بشر
ترسم لشمسه شروق

» قصيدة...آه يا بلــــــد...للمسابقه الكبري
» قصيدة..أعذريني..للمسابقه الكبري
» رباعيات..للمسابقه الكبري
» مربعات....للمسابقه الكبري
» ايوه انا زعلان .... نص للمسابقه الكبري