كســــــــــــــــر المـفــــــــــاصــــــــــل

كسر المفاصــــــــــل
.............................
آه ياشلة حراميه وبلطجيه ونصابين
ياللي عايزين تخربوها
مش كفايه بتسرقوها من سنين
ياللي مش عايزين لنيلها
يروي خيرها
او يكون شريان مصيرها
او سبيل للعطشانين
يااللي كنتم فـ المجالس
تحسبوا خيرها بخزنكم
واما كان غلبان يجيكم
نفسه شغله ولا لقمه
تستره وتحفظ كرامته
مش بيلقي غير اهانته
ياللي ناهبين البلد دي من سنين
انتوا مين؟
عايز اعرف انتوا مين
انتوا شلة بلطجيه وسفاحيين
مش بيملي كرشكم غير الحرام
وشرب دم الشقيانين
شعبنا كان ورث ليكم من سنين
واللي كان كان بيثور عليكم
قطع رقبه او سجين
والنهارده بتلعبوا علي حبل واصل
وبعصايا بتكسروا بيها المفاصل
اقتصادها تخربوه ويجوع ولادها
واما خيرها ينتهي
هيضيع مصيرها
وتنقطع فيها الأواصر
واللي حاصل اننا برباط
هنفضل شعب واصل للأواصر
ولا فتنة طائفيه نارها ترعي في الظلام
نارها تاكل اي وحده
وتنتشر وسط الزحام
والمصيبه تبقي محنه
وينكسر جو الوئام
بس طول مافيها احنا
اي محنه بالعزيمه نهدها
حتي لو هتكون جبال
بالايادي الحره فينا
تمشي وتسير السفينه
وبشبابنا وبولادنا نبني ونعمر بلدنا
واللي كان مستني موتها
راح يشوف لحظه خلودها
والتاريخ هايعيد ماضينا

الشاعر الكبير رضا فايد تمنياتى بالتألق المستمر ونرجوا مزيدا من الاعمال التى تمتعنا بها وباسلوبك الجميل تحياتى

شكرا لك على المساهمة الراقية
ودى وتقديرى

هانى عبد المسيح كتب:: الشاعر الكبير رضا فايد تمنياتى بالتألق المستمر ونرجوا مزيدا من الاعمال التى تمتعنا بها وباسلوبك الجميل تحياتى

الشاعر الجميل..هاني عبد المسيح
الف شكر اخي الكريم علي المرور الرائع..واتمني من الله ان اكون عند حسن الظن بي ..لاحرمني الله روعة مرورك
ودي وتقديري

رجاء محمود كتب:: شكرا لك على المساهمة الراقية
ودى وتقديرى

الاستاذة..رجاء محمود
الف شكر سيدتي علي المرور الجميل
ودي وتقديري