قصيدة حشتيني

وحشتيني
يا نجمة ليل بتهديني
تنورلي قصاد عيني
طريق الفرح والأحلام
بتخديني
من الأحزان
فأنسى معاك كل الناس
توديني
لسكة فرحنا الوناس
وأندهلك
تغيب عني عيون قلبك
فأشتاقلك
تضميني
بحنان الشوق أتوه منك
ولو إنك
ما بتغيبي في يوم عني
ده بس حبيبتي إكمني
باحب الضحكة في عنيكي
وبأعشق لون سواد شعرك
يا نجمة في يوم
ما غاب عني بياض قلبك
أنا عشقك
أنا حبك
ولما اتعب في يوم بُعدك
أروح أرتاح على صدرك
ألاقي إيديكي تمسح لي
دموع البُعد والحرمان
وحشتيني
ده يوم ما باكون أنا جنبك
تاخدني الفرحة لحنينك
وافتح لك
بيبان قلبي
أشيلك في الضلوع جنبي
تمطوحني
عيونك في الهوى وحبك
ينسيني عذاب الصبر من بعدك
يا فرحة عمري مستني
أشيل الحزن من عينك
وأرجعلك تضميني على صدرك
وحشتيني
يا أحلى كلام أنا قلته
يا نجمة عشق أنا حبك
بحبك مهما كان بُعدك
ومهما في يوم وحشتيني