إنتِـى .. أنـا ( الشاعر مدحت عطية ) الاشتراك فى المسابقة

إنتِـى .. أنـا

لو صُنتْ .. صونى
لو خُنتْ .. خونى
ولو هُنتْ يوم .. هتهونى
إنتى .. أنا
ولو كُنتْ يوم .. حتكونى

في التوهه .. إنتى .. السكة
وفى عطشى الميه
وفى دمعى ..
إنتى .. الضحكة
وفى ليلى ضيه

إنتى الشواشى
لو طاطيت
لو ضهرى نخ
لو حنيت

شمس الليالى
لو ناديت
فى الغربة
إنتى .. بيت

لو كنت طير
إنتى .. الجناح
لو كنت ليل
إنتى .. الصباح

إنتى إلـ باقى
لو كله راح
لو ضاق مكانى
إنتى .. البراح