حـنـــــــــــــين..الشاعر..رضـا فايد

حــنـــــيـــن
.......................
حنينك للأمل.... عطشان
بذور الحقد...... مدفونه
بتطرح شوك.... ياغلبانه
ونعسانه مابين.... أحلام

بقلبك ضحكة... مكتومه
ومخنوقه........ وبتعافر
وروحها طالعة.. عـ الآخر
تقول صابره علي.. الأيام

تعيشي الغربه... بدروبك
ولون توبك.. سواد زاهي
وبولادك......... بتتباهي
شهيدك.......لفِّته الأعلام

وانا زيك غريب.. برضوا
بيحلم يوم يشوف.. أرضه
ويتمنَّي يشوف..... ناسه
ولترابك أعيش..... خدَّام

أكون ضيِّك... ومين زيِّك
ف ليل العشق.. موصوفه
واجيلك روح.... وملهوفه
علي كفوفك ..خدودي تنام

ياريت اقدر... أكون ملاح
وادوّب بحر ......أحزانك
وأبدر لك علي... شطوطك
زهور تطرح.... أمل بسام

هقولك إيه.. واعيد لك إيه
ماانا العابد... في محرابك
وروح هايمه... علي بابك
بتدعيلك...... صلاه وقيام

واعيش مستنِّي.. تخديني
تضمِّيني علي.... صدرك
ولو سهم الزمن.. صابك
أكون عونك... علي الأيام

تم التقييم من قبل العضو رقم واحد
وتم ارسال التقييم لرئيس اللجنة

» ربـاعيــات..الشاعر ..رضا فايد
» الشاعر..رضـا فايـد..مربعات..رباعيات
» كبـرياء انـســــتان..الشاعر..رضـا فايـد
» الشاعر..رضـا فايــد..(زجـل ..شعر عاميه).أحلي الحروف..آه يا قلم..حلم كداب
» الشاعر..رضـا فايـد..شـعر غنائي..بكره يندم..كبرياء إنسان..لمي شراعك وارحلي