كبـرياء انـســــتان..الشاعر..رضـا فايـد

كبرياء انسان
..............
خلاص ماشي وفايتلك
حروف الجرْح والاحزان
عشان بالرُّخص. بعتيني
فاهنساكي ومش ندمان
يهون بعدك علي قلبي
واحسك زيف كانه ماكان
واصبر روحي واحبسها
وخليها وري.. القضبان
ولاعمري أعود... ليكي
خلاص بعتك وأنا الكسبان
وهاستني يطول... ليلك
وتنزل دمعتك... بركان
وتكوي قلبك... القاسي
تحسِّي الآهَّا والحرمان
وتتمنِّي أعود ....تاني
ويجري نهرك العطشان
ويرجع لك براح قلبي
ويسقيكي الحنان الوان
تنامي الليل وتتهني
وابات وحدي حزين سهران
واعذب روحي ببعادك
وامنيها بأمل خسران
واعيش العمر مستني
ترسّيني ببر أمان
ودا طبعً دا مش ممكن
أجيلك واطلب. الإحسان
بقول انسيني مـ الآخر
وحسِّي كبرياء.. إنسان

» الشاعر..رضـا فايـد..مربعات..رباعيات
» الشاعر..رضـا فايـد..شـعر غنائي..بكره يندم..كبرياء إنسان..لمي شراعك وارحلي
» حـنـــــــــــــين..الشاعر..رضـا فايد
» إعلامنا ماسك جرس..الشاعر..رضــا فايـد
» الشاعر..رضـا فايــد..(زجـل ..شعر عاميه).أحلي الحروف..آه يا قلم..حلم كداب