إعتــــراف ( علاء البلتاجي )

إعتــراف ....

.
.
ده إعتـراف رسمي بخطي ..وختم نسـر عليه كمـان
قلبي بيكي خلاص يا ستي .. أتملا و مفهوش مكــان

و ده إعتـراف بخـط أيــدي حبره أحمــر من وريدي
و ع اليميـن هــ تلاقي صورتي و ع الشمـال طابع بريدي

و في بدايتـه هـ حـط و أرسـم قلـب و شويـه ورود
و ف نهايتـه هـ أمضي و أبصم و يمضوا بعدي أتنين شهود

و أطبع عليه بشفايفي بوسـه
بأحمـر شفايف أسمه دمــي
أنا عريسك يا عروسه ....؟
ولا أنتي بنتي ولا أمــي.؟

كل م أسئـل أزيـد ف حيرتي..!
أنتي أمــي ولا بنتــي.....؟
ولا روح قلبي وحبيبتـي .....؟
ولا ميـن تبقيلي أنتــي ....!

و أكتشفت ف النهايــه.....أنك أنتي كل شــئ
و أنا معاكي من البدايـه ... لحـد أخــر الطريق

لحـد يوم ممــوت يابلـدي
أنتي أغلي واحـده عنــدي
واحده واحده يامصـر عـدي
و بكـره يرجـع البريـــق

.
.
.

بكـره يرجـع البريـــق

و ده إعتــراف رسمي بخطي .. و ختم نسـر عليه كمــان
قلبي بيكي خـلاص يا ستي ..... أتملا و مفهـوش مكــان


█▓▒ علاء البلتاجي ▒▓█

كل الشكر يا شاعرتنـــا علي التوصيح
بس ازاي اقدر انقل النص ده و نص الرباعيات الي المسابقات الخاصه بيهم ؟؟؟

اشكرك يا شاعرتنــا
انا خلاص شاركت بأعمال تانيه عشان ميحصلش لخبطه ^^
تحياتي و تقديري و احترامي