رباعيات الشاعر احمد الحلى فى المسابقة

رباعيات الشاعر احمد الحلى فى المسابقة
**************
فتحت الصبح شباكى لقيت عصفور

لمحت ف عينه كام دمعه وألم محفور

سألته ع اللى مش قادر يقوله لسان

جاوبنى بدمعه ما قدرت عليها بحور


...

**********



ليه يا فؤادى الوجع تملى ماسك فيك

هو انت غاوى الضنا ..ولا الضنا غاوييك

كأنه طوق يا جدع ولبسته من مهدك

يا هلترى ده قدر ...ولا ده من بلاوييك



*********

بكيت يا صقر وعنيك الخشان لانوا

وحن الصخر والأحزان عليه بانوا

كأن الدنيا ما فيها ولا نطفه

تحس بناس على ترابهم بيتهانوا



*********



ليه اللسان مافيهوش ولا عضمه فى عروقه

وليه كمان المر والحلو بيدوقه

عرفت ان اللسان صاحب بلا ء الأنسان

ولو تشده عظام ...هيسوء على سوءه

احمد الحلى

[b]

شكرا لك على روعة مشاركتك
تم التقييم من قبل لجنة التحكيم
والله الموفق