الفيسبوك ......

و أنا ع النت جديد و بأزوك
و بأعافر ف رموزه و أفك
شوفت كلام بيقولك ممكن
تعمل صفحة ع الفيسبوك
قمت اختارت لي اسم جديد
و كمان صورتي ف يوم العيد
جنتل طبعا ..... في نيو لوك
و اللي يحس انه لا يعرفني
أدي بروفايلي لو هتشوك
و بعد أغاني حليم و الست
لأغاني لتمورة و تت
و موسيقي للراب والروك
اكتب ... علق .. هعمل لايك
راح تغلط علي طول فيه بلوك


ياما كتير أنا بأعملAdd
و ساعات بأكتب كده كام Post
و أنا بأشرب ف الماج الشاي
و بأغمس كام حتة توست
الشات ع الفيس سهل و واضح
أسرع م ال ياهو .... و بالتوك
و بعد ما كنت كتير مشغول
كل شوية بأروح ع ال.. wall
و بقيت حتي ف شغلي بعوك
كتر القعدة عاملي كرش
و نسيت ال تي في و الدش
و ان عدي اليوم من غير فيس
بأتعصب و ييجي لي Shock


أشرف البنا