مورستـــــان ***

هضحك جامد جداً جداً
و هخلى العالم فرحان
و اللى يشوفنى يقول
من ضحكى ان حياتى بلا أحزان
يفضل يضحك جداً جداً
على ضحكى و يقول يا سلام
أحسن حاجه كده ف الدنيا
انك تديها إفيان
كبر مخك بكره تعدى
و تقول على حالك ده جنان
أصل أنا ضحكى مش من فرحى
أنا ضحكى ف أصله أشجان
لكن لما أقعدت احسبها
لقيت ف الحزن أنا الخسران
أصلى هعيشها مرة بطولها
و مس هقبل أعيشها ف أحزان
و إن كان ولابد أنا هضربها
بدل البوكس ميه كمان
اِضحك جداً ,,, جداً جداً
وصل نفسك للفصلان
واما تهيبر اوعاك تفصل
عيدها تانى مره كمان
و اما تأزم اوى و تأفل
انشر ضحكك ف البلدان
خلى الكل يشوفك يحلف
انك عايش ف مورستان

شكرا لك نجمتنا الجميلة
( الشاعرة ندا عز)
لمشاركتك فى مسابقاتنا الحالية
مسابقات رابطة شعراء العامية المصرية
ونتمنى لك التوفيق بالفوز والتألق المستمر
فلك محبتنا واسمى التقدير

[b]