شعر غنائي(مجاريح) للاشتراك في المسابقة

مجاريح واللي جارحنا
كان أغلى الناس علينا

والدنيا سابتنا واحنا
مر الفراق مالينا

كانت أيامنا فرحة
مالية قلوبنا وعينينا
نحلم بالليل ونصحى
نلاقيها بين ايدينا
لو شفنا عيون حزينة
كانت تصعب علينا
ونروح نواسيها لكن.....
كنا مطمنين....
إن الحزن اللي ساكن...
في قلوب العاشقين....
مش ممكن يوم يقرب.....
ومستحيل يزورنا
ولاحتى في المنام..
وان القلب ال جرب
الفرحة والحنين ..
ماتلمسهوش آلام..
الدنيا علينا مَرَّة
قالت عشاق وهربوا ....
من جرحي وألمي ليه؟
لقينا حياتنا مُرَّة
والغالي هان علينا ...
وهُنَّا ازاي عليه؟؟

الاستاذ الفاضل نادر محمد عبد المنعم
مرحبا بك
وشكرا لك على مشاركتك فى مسابقاتاتنا
مسابقات رابطة شعراء العامية المصرية
ونتمنى لك التوفيق بالفوز والتألق المستمر
لك التحية واجمل الزهور

[b]