الشاعر مدحت عطية - للاشتراك فى المسابقة ( إفتح للشمس )

إفتح للشمس

وقت الهزيمة
شب
طول .. السحاب
قوم
نفض هدومك
من التراب

إفتح للشمس
وارب للنور
الباب
أدن للفجر
بصوتك
لحظة ما تلقى
سراب

فى عز الليل
إفتكر .. النهار
وفى وسط الطل
إرسملك .. دار
لف السواقى
بإيدك
دفى الشتا
بالنار

بدل الجفا
شوق
غير العتمة
ضوء

إفرد دراعك
بص .. فوق
إرمى على أى
نجمة .. طوق

الحلم إلـ مات
إحلم .. غيره
وبكره إلـ جاى
غنيله

إستنى الفرح
مره
خد منه منابك
وشيله

خليك عصفور
وإبدء حلمك
بقشة
وقشة .. فى قشة
يبنى حلمه
إلـ كان .. عشه

شاعرنا الجميل الأستاذ
مدحت عطية حسن
شكرا لك على مشاركتك فى مسابقاتنا الحالية
مسابقات رابطة شعراء العامية المصرية
ونتمنى لك التوفيق بالفوز والتألق المستمر
لك مودتنا وأجمل الزهور

شكرا لك نجمنا الجميل
( الشاعر مدحت عطية)
لمشاركتك فى مسابقاتنا الحالية
مسابقات رابطة شعراء العامية المصرية
ونتمنى لك التوفيق بالفوز والتألق المستمر
فلك محبتنا واسمى التقدير
[b]

» كان ياما كان ( للاشتراك فى المسابقة ) مدحت عطية
» الشاعر ( مدحت عطية ) الاشتراك فى المسابقة
» الشاعر ( مدحت عطية ) الاشتراك فى المسابقة
» إنتِـى .. أنـا ( الشاعر مدحت عطية ) الاشتراك فى المسابقة
» قوم .. ثور ( الشاعر مدحت عطية )