صبرك ياقلبي شويّه .. ضياء الدين البري

السلام عليكم .. كلام من قلبي
أحمد مصطفي البري كتب :

صبرك ياقلبي شويّه
....

هلـّت عليّا النسايم
من بعد غيبه وْطويله
فجأه ولْقيت الغمايم
تخْنق في شمسي العليله

النبض دايما يداري
بالقلب حرقة دموعي
حاول يطفّي في ناري
أهات تجرّح ضلوعي

البعد حامى وقاسي
لمـّا حبايبى جافونى
فضلت اعاني وآسي
الدمع يحرق جفونى

هدّتني صرخة أهاتي
إوعي يانفسي تبوحي
النـّبض يزعق وهاتي
من كتر قسوة جروحي

وهبتو نبضي يصونه
وصورته تملا عيوني
توحشني همسة عيونه
وطيفه بينسي يجيني

صبرك ياقلبي شويّه
ع للي وهبته حنانك
إنسي البعاد وْالأسيّه
بكره تزرّع جنانك

....

الأخ الفاضل المبدع
ضياء الدين البرى
شكرا لك على مشاركتك فى مسابقات
رابطة شعراء العامية المصرية
ونتمنى لك التوفيق بالفوز والتألق المستمر
فلك ارق تحية واجمل الزهور

» من غير إحم يابا .. ضياء الدين البري
» بين شطـّينك بالقي حنانك..ضياء الدين البري
» ولسّه مش عايزاني احبك.؟..ضياء الدين البري
» وبضمير الشعب قــرّر.... ضياء الدين البري
» ولسّه مش عايزاني احبك..ضياء الدين البري