قصيدة (((ماتش كورة )) الإشتراك في المسابقة

[color=red]البدايـــة ماتش كورة ف بورسعيد
والنهاية راح ف ثانيه سبعين شهيد
والحكاية هيــه هيه لا جــــديد
كل يــوم مصاب وميت وفيه دمار
كــــــل يوم ايد خفيه تولعهــا نار
والنتيجـــة مــات أخــي بيد أخوه
وهــــو برده زيه بكره هيعدموه
ووضعنــــــا كله خطورة والسبب
.......ماتش كورة .......
مين عـــايز مصرنــا نارها تقيد
وميــــن اللي مــــن داكله مستفيـد
وراح فيــــن مدير الأمن والعقيد
وليـه ف ثـــــــانيه أمننا راح بعيد
وميـــن عــــــــدى الموت م الحديد
نفسي ألاقي جواب مفيد
وكل يوم أسمع بأذني كلام يحير
ف كل حته م الكبير والصغير
اللـــي يقــــول دول فلول
واللــي يقـــــــول دا رسول
واللي يقـــــــــول دا عميل
واللي يقـــــــــــول اسرائيل
طب فيــــــن الحــــق والدليل
حتى لو عــرفت الحق والدليل
أخويا مات ورجوعه مستحيل
والتعويض هوا البديل
وجسمنا أصبح عليل
كان ليا أخ مات ف يناير
وسجنوا مبارك وانتظرنا
منهم بشاير ....ومر عام
وأخويا التاني راحله زائر
وامي انعمت وأبويا عجز
وأنا حائر
.... ...... ........ ....
هقول كلمة للوزير ورسالة
أيضا للمشير ..ولبورسعيد
سؤال خطير ....
ياوزير الداخلية حرام عليك
سبعين و ماتوا أمام عنيك
وانت ف مكانك ....ولو فيهم
ابنك ماهيكون دا حالك ...
والأب على ولاده يحافظ
طب قولي أين ذهب المحافظ ؟
ورسالتي للمشير والظرف
طارئ.....ليه كل المصائب
بعد الطوارئ ....وإيه رأيك
ف اللي مات .....وليه دمنا
رخيص ف كل الحالات ...
دي اسرائيل بتبدل أُسارى
بحبة رُفات ......
ويابورسعيد اللي ماتوا
ماذنبهم ؟ .....علشان يموتوا
ويلقـــــوا حتفهم .....اندبحوا
والكـــــل شافهم ......صوت
وصــــــورة .......والسبب
ماتش كورة ..

الشاعر / كريم عثمان حبيب
وشكرا لحضراتكم