ابن الريف على جلال

[size=18] ف القفص
فى القفص نايم سيادة الرئيس
ف لحظة فيها كل المتاع رخيض
نايم يحاكمه شعبه اللى خلاه حبيس
شعبه اللى اتأمن عليه فخلى تمنه رخيص
باع القضيه وباع القومية وباع الوطنية وباعهم بالرخيص
ظلم الكبير وظلم الصغير وظلم الفلاح
وما خلى فيها حد مرتاح
هوا دا سيادة الرئيس سيادة الرئيس
عبارات بتغرق وفيها ناس بتهلك
وسيادته برضه بيسخر ويضحك
شعب بيتهان ليل ونهار
أمن دولة ومعتقلات ومش لاقى الرغيف كمان
دا حتى من شدة الظلم اشتكى الكلب واشتكى الحمار
آه يابلدى لما امشى ذليل ومش لاقى ليا فيكى دليل
آه يابلدى ياللى عنت فيكى رخيص بعد ما كنت نبيل
آه يامصر ياللى كنتِ مصباح ف سنين للعالم
عنتِ بعيد بعيد ف عهد الظالم
واللى مش عادلى وعلاء وجمال معاهم ف الحكم كان حالم
وطمعان ف التوريـــــــــــــــــــــــــــــــــــــــــــــــــــــــث
وعشان التوريث اضرب اقتل عذب دى البلدى دى
مش بلد الشعب دى بلد الست هانم
بأمرها تقوم الدنيا وبأمرها تقعد ف ثانية
وف لحظة تشترى قصور وفيلل والشعب ف الترب نايم
آه ياريس فين سيد بلال طب فين خالد سعيد
فين الشاب اللى راح شهيد
اتقتل وف ثانية تلبسه قضية دا كان حشاش
وهى دى القضية ياغشاش
إن شعب كله مذنب وكله إرهابى وكله حراميه
آه حرامى أو إرهابى أو حشاش
ياريس مين صدر الغاز لاسرائيل ببلاش
ووقف لغزة ع الحدود بالرشاش
ياريس دا أمن الدولة واقف ف صلاة العيد
بيعمل إيه بيهنى الشعب ولا خايف تتقال كلمة حق ف حق النظام
ايه هو انت بقيت صدام
بس صدام ف لحظة كان بطل ومات شهيد
انت هاتموت ازاى وهاتقول لربك ايه ياسيادة الرئيس
وف ثانية محكمة
كلمة عدل فيها الميزان اللى يحكم بالعدل بأمر الرحمن
بس ياما الكلمة دى اتقالت للظلم ويضيع بيها الأمان
تحكم المحكمة بالبراءة براءة وبرده يدخل البرئ اللومان
لأ والأكتر من كده ايه شباب يطلع وينادى
عدالة حرية كرامة انسانية
ينضرب بالرصاص ليه هى دى مش كانت أهم قضية
امال ايه الحكايات والروايات والخطابات
"لقد عشت فى خدمة الوطن حرباً وسلماً"
"إن محدود الدخل من أولى أولوياتى ف المرحلة المقبلة"
ونشوف محدود الدخل نلاقيه تمنه رخيص
اللى مات وف جيبه 3 جنية
واللى قتل ولاده من الجوع ومفيش ف جيبه غير بطاقة وكارنية
واللى راح يشترى العيش فانداس عليه
وعشان كده طلعوا الشباب ينادوا عشان يعيش الإنسان إنسان
وتصدر الأوامر م الحاكم الآمر اقتل واخلى الميدان
دى فوضى هاتخل بالأمان
بس ف النهاية بدم الأبطال كملت الحكاية
ومبارك انداس عليه
وسبحان الله ف اليوم اللى تنطرد فيه
يموت ويتكرم الفريق الشاذلى فيه
الفريق الشاذلى فاكره ولا ايه
هانستنى الحكم
بس نارنا بردت لما شوفناك ف القفص نايم حبيس
ياسيادة الرئيس......


من قلب النيل

من قلب النيل سمعت مصر بتنادى مجدها
سمعتها بقلبى وروحى لانى ابنها
طول عمرى هى أمى وأنا بحبها
لوجعت فيها ليالى وعطشت يكفينى اسمها
مصرهى الحنان وأم الدنيا كلها
حاولت أنادى معاها على مجدها
وادور فى كل مكان عن عزها
سألت هرمها وبرجها
سألت كفاحها وشعبها
لقيت العيب مش فيها ولا ف أرضها
دا العيب ف ظالم ظلم أهلها
حب يخفى عن الدنيا أصلها
يسرقها وينهبها ويذلها
يعمل فتنة بين ولادها وأهلها
عشان ينسوا حب بعض وحبها
يفرق بينهم ف ماتش كورة عشان يسهله نهبها
ياكل ويشرب من خيرها ويجحد فى النهاية فضلها
نسى ان مصر امه وام الدنيا كلها
ليلها جمال ونهارها عمل والطيبة فى دمها
دمها اللى سال لما سال من ولادها
فى قسم شرطة وعبارة وقطر انحرق وانهدر دمها
يامصر شبابك رووا أرضك
عشان عزك وشرفك
وقفوا للظالم وطردوه من حكمك
لانه ما كان يستاهل اسمك
معرفش قيمة ولادك وقيمتك
يامصر ف التحرير شوفت مجدك وعزك
شوفت مجدك وعزك   



كفاية سكوت
يلا يامصرى من النهارده كفاية سكوت
يلا نقول ونعبر ونحكى ومش هانموت
دا اللى ساكت عن حقه هو اللى يستاهل يموت
النهارده عيد بس مش أى عيد
النهارده عيد الحرية ف مصر الابية
من نجوعها وكفورها هانسمع أحلى صوت
الصوت اللى اتكتم بقالوا سنين
النهارده عالى ف السما بينادى على الجلاد
بيقولوا ياما ياجبان ف الخوف عيشت البلاد
وخليتها زى القتيل ملهاش صوت
خوفتنا بأمن الدولة ورعبتنا بالمخبرين
بس الحكاية النهارده اللى هايكتبها مين
هايكتبها الفلاح اللى انكوى والصيادين
هايكتبها الشباب اللى ماانحنى للجلادين
أصل الظلم مهما على أوغلب فالحق
لازم يســــــــــــــــــــــــــــــــــــود
وإن طالت الأيام ومرت السنين وعلى الانين
أيام الظلم لازم تفـــــــــــــــــــــوت
ماتيلا يامصرى قول وقول وعلى الصوت
يلا اختار ورجع بايدك عهد الورود
خلى كرامتنا وعزتنا بايدينا تعود
خلينا نقول كفاية ذل لازم نسود
دى مصر تستاهل كل حاجة ولو حياتنا
عشانها تهون ونقول للعالم كله وللحشود
راجعين من تانى لمكانا على عرش الملك
زى الأســـــــــــــــــــــــــــــــــــود
تلبسى يامصر تاج الملوك مانتى حرة
بصوت ولادك والجنــــــــــــــــــود
الجنود اللى حموكى م العدا
وولادك اللى فدوكى بالضنا
وهدية ليكى م النهارده انك لازم
تعيشى ف الهنـــــــــــــــا
هاننتخب نايبنا عشان نحاكم نحاسب
اللى يخون واللى يجور واللى يحاول
ينهبنــــــــــــــــــــــــــا
ماتيلا يامصرى تقول وتقول
من النهارده هانعزل الفلول
معتش خلاص انتهى
كل مرتشى وكل غول
يدخل بصوتنا أو بسكوتنا
واللى عايزمنه ينـول
انتهى خلاص النايب النايم
ونايب الدم الملوث والحرامى
ونايب المحمــــــــول
البصمجى مالوش مكان ف الدخول
خلاص الطريق اتعرف وبان ومعتش مجهول
الصندوق هو الوحيد باللى فيه هايقول
مين اللى نجح مش أمن الدولة
يزور ويملا وحتى مايرحم
الموتى ومن صوتهم يطول
يبقى تافه ومالوش لازمه ويتحكم
ف ولاد الاصـــــــــــــول
وكلنا ولاد الاصول داكفاية
اننا ولادك يامصر ياللى مدحك ربنا والرسول
ماتيلا يامصرى تقول وتعلى الصوت
من النهارده مفيش سكـــــــوت
واللى يسكت عن حقه هو
اللى يستاهل يمــــــــــــوت.......




size][color=red]]