أونطجي هجاص

ياللي شايفه وجع راس
ياللي عايز ترتاح و خلاص
خللي النوم يفرحك
بس صدقني مش هيريحك
حتي و أنت في مطرحك
قلبك جواك مش خالص
هو أبن بلدي ناقص
حتي في الكورة قتيل
إيه اللي دخل اللعب الجميل
في القتل هو أحنا في إسرائيل
و مجلس قاعد مكانه و خلاص
كأن الناس ناس و ناس
أبن ريس و أبن كناس
مش فارقة جوامع و لا كنايس
و أنا بين اللي بيحصل لايص
و مجلس العسكر و الحراس
مجلس أونطجي هجاص
راضي باللي تحت الجزم بينداس
و عايز نجومه علي الكتف تنباس
بس و الله أنا عارف
و زيك قاعد و شايف
و الدم بيغلي في عروقي
و ودي حقيقي و شوقي
يرجع تاني مكانه
بس ده لازم في أوانه
و لو قعد يبقي ده هوانه
يبقي ركبهُ و علاه شيطانه
و نسي إن الزمن مش زمانه
صوت الناس صوتها هو سلطانه
و ماحدش غيرها يُحكم أوطانه ]