الديك بيدن ....

لكل من خذلونا في الثورة وطفح الكيل منهم ، اهديهم نصى المتواضع :
--------------------------------------------------------------------------------
الديك بيدن
--------------:
الديك بيدن،،،

لجل ما يصحي النعاسي مِ الخطر

اللي واخدنا للهلاك

اللي رمينا ف بحر ميت ماله اخر

مِيت سفينه منه ترحل

ميت سفينة فيه بترسي

من غيرما تاخد أجر شفعة ،

أو عقود بالامتلاك

الصوت بيسري ف الفضا

الصوت طوفان جوه العروق

وترتعش أطرفنا مِ الخوف

اللي طاحن قلبنا ،، يصبح رفات

الصوت بيهزم الف مارد

جوه ف قلوب الصبايا والبنات

أمله يدواى شرخ دايب في العروق

لجل ما يطرح بالامل نبض لشروق

وعشان ما بكرة يتولد

يا مين ،، من العتمة وم التوهة

يقوم ،، ينهض ،، يفوق

يرجع الصوت اللي كان مسروق

ويكتشف نفسه بتأنى ، جوة منى

ينزع الخوف اللي كبلها العروق

يبقى جوة في عينى نينى

لجل ما يطرح شروق

الديك بيدن ،

مهما كانت شكوته ،

ح تبقى راسه عالية ، فوق ..

مهما الوغى طال من مكانه

هامته ح تفضل دايمة ،، عالية ،

و يداوي جرحه بالشروق ..

ح يداوي جرحه بالشروق