ياما .. بكيت ( الشاعر مدحت عطية )

ياما .. بكيت

ياما صرخت
ياما .. جريت
ياما تهت
عن .. البيت

بكيت .. وبكيت
وقع جوايا
نزلت .. حطيت
ياما نمت في دمعى
ياما .. بكيت

بكيت .. لما الليالى
عليها .. عديت
شايل همومى
وعليكوا .. ناديت
ياريت ما ناديت
ياريتنى .. كنت داريت

بكيت لما طير
من غير جناح
وقع في سكتى
يومها مقدرش حتى
يسبق .. خطوتى

بكيت يوم ما جيت
فارد .. ضحكتى
ويومها بعدتونى
ونزلت .. دمعتى
بكيت .. وبكيت
وبدمعى
الأرض رويت
وقعدت فى الضلة
وبقالى .. من الحزن غيط