كملى يا مصر ـــــــــــ قبلة الثوار ــــــــــ اغنيتان ف حب مصر

كملى يا مصر ـــــ اغنية { 1 }

كملى يا مصر يالله
العمل محتاج مِروه
ادى ولادك رجعوكى
ثورتك بالفجر هله

* * *
كملى يا مصر فوتي
إتطهرت من سكوتي
لو حياتك فيها موتي
عيشى يالله وإنتى حُره

* * *
كملى يا مصر عدي
شَيدى قصور التحدي
عَمري ارضك وردي
كل خاين إرمى بره

* * *
كملى يا مصر بينا
إنتى مرسا للسفينه
لو غدر الموج لقينا
شعب حُر وإنتي دُره

* * *
كملى يا مصر واهدى
الطريق مفروش بوَردى
لو بعدت انتى وِرٍدى
واللى جاى كلة مسرة

* * *
كملى يا ارض طاهرة
اصيلة وعفية ومُهرة
ياللى ولادك واخدين شُهرة
وسط الأمة يعيدوا الكرة

* * *
كملى يا مصر يالله
العمل محتاج مِروه
ادى ولادك رجعوكى
ثورتك بالفجر هله

**********
**********
**********

قبلة الثوار ــــــــــ اغنية { 2 }

أدى قبلة الثوار
السعى ف الميدان
الحج للأحرار
والتوبة م الرحمن
* * *
من اول المشوار
إحنا على بابٍك
الثورة بإستمرار
موجودة ف رحابك
طول ما الزمان دوار
* * *
الحلم جاى فارس
من جامعه ومدارس
يا طير يا نوارس
بدر الأمل حارس
خطوينا بإنتصار
* * *
يا فلاحين بلدى
طول عمركم سندى
بزرعكوا الوردى
يا مهنين ولدى
بطرحكوا النوار
* * *
عمال وافنديا
صعايدة سوايسيه
بحروة وإسكندرانيه
يا بلدنا محميه
بالعشق م السمار
* * *
يا مصر شعبك حى
مادد شطوط الضى
لفجر نوره جى
وشبابك ماله زى
جعل الطواف إعصار
* * *
طول ما الميزان مايل
تلقى الهتاف قوال
دم الشهيد سايل
ويغير الأحوال
وأدى الركاب ساير
عمار يا مصر عمار
* * *

اغنيه كتبت ف فبراير 2011
ولحنت من الموسيقار الفنان ضياء الدين ندا
وتغنى بها زهور وزهرات فريق كورال بيت ثقافة السنبلاوين
ـــــــــــــــــــــــــــــــــــــــــــــــــــــــــــــــــــــــ
وادعوكم لسماع ومشاهدة أغنية { قبلة الثوار }
على هذا اللينك ... إتفضلوا
https://www.facebook.com/video/video.php?v=169315643177515
ـــــــــــــــــــــــــــــــــــــــــــــــــــــــــــــــــــــــــــــــــــــ
الشاعر / معوض مسعد العباسى