الحروف الملهمة - اتكلمي - مسامحك *** للشاعر الثائر محمد سالم

اتكلمي
*****
اتكلمي ياللي كلامك
للعليل دايما دوا
اتكلمي ياللي الجميع
من اجل حبك انكوي
اتكلمي
قومي يا مصر اتجملي
وشدي من ازرالولاد
اتكلمي
اصل السكات بيهدنا
اتكلمي
ليه خضبوكي بدمنا
لية لجموكي
وحملوكي بهمنا
ليه وشحوكي بالسواد
اتكلمي
تلاتين سنة
قلبك ياغالية ما انشرح
خلوكي ماشطة معنسة
مشتاقة دايما للفرح
دا انا قلبي كان خايف عليكي
وانجرح
جرحة البعاد
والدنيا يا امة علية تشهد
قد ايه زينت نفسي للفرح
وكنت منتظرالميعاد
------------------
نسوكي يا مايه الفرح
نسوكي قلبي اللي انجرح
وقلعتي فستان الفرح
ولبّسوكي توب حداد
دانا كنت
واخد كام ميعاد
ميعاد ياغالية للقي
فيه تحضني قلبي الحزين
وتمسحي منه الانين
وميعاد يا أمي اوعدك
املي انا قلبك حنين
وميعاد يا مصر يفرحك
فيه تلبسي فستان فرح
وتقلعي توب الحداد
قصيدة عامية بعنوان
( أتكلمي )
************
وافرش ياغالية سكتك
اجمل زهور
واكون خادم في جنتك
وارش ارضك بالعطور
واقّوي يامه همتك
واكتب علي خدود الولاد
مكتوب علية محبتك
وبدون عناد
اكتب علي كل السكك
واكتب كمان علي الحجر
واكتب علي اوراق الشجر
ودمي هايكون المداد
--------------------
اتكلمي
ليه علموكي الخوف يا غالية
والسكات
ليه علموكي تشربي دم الشهيد
يامه الشهيد عمره ما مات
لو حطو جوة البندقة
مليون رصاصة
والمجرمين شدوا الزناد
اتكلمي
وليه ولادك يا بلد
ارخص ولاد
داناطفت في كل البلاد
ما شفت حد زينا
ولا حد يملك دمنا
شايلين ياغالية همنا
متحملين حتي الممات
---------------------
وبعد كل دا يا غالية
ابنك يهون
هم الكلاب يا اغلي الحبايب
في السكك
لو يقتلوني وينهشوني
ابنك يخون
لا يا مصر والف لا
اطّمني
دا الليل ياغالية مهما غاب
هايهل بالفجر السعيد
والظلم يا امه مهما طال
هايجي بعدة الف عيد
اطمني واتزيني واتجملي
والبسي فستان جديد
من جوه قلبك اضحكي
واتحني من دم الشهيد
دانا بادعي ربي يحرسك
من كل جبار عنيد
اطمني
دا الفرحة جاية مش بعيد
وهاتفرحي وتنسي الانين
وهانملي قلبك بالحنين
وهاتضحكي وتنوريلي سكتك
اصل انا عاشق ضحكتك
يا ام الولاد الشقيانين
اتكلمي
-----------------------
مسابقة شعر العامية
الشاعر الثائر
محمد محمود سالم
كفر الشيخ – بلطيم – الشرفا
موبايل - 01226180906

مسامحك مسامحك
*********
مسامحك مسامحك
وقلبــــــــــــي داعيلك
ومنايــــــــا هوايــــــــا
يشلني واجيلك
تطفــــــي لهيبــــــــي
بنظــــــــرة عيـــــــونك
واخـــــدك في حضني
وتحـــــس بحبيبــــــك
وتحضنـــــــي قلبــي
دا قلبـــــي حبيبـــــك
بيســـــالني عنــــــك
شــــــــــايل كل همك
وبيـــامرني دايمـــــــا
اقبل جبينــــــــــــــك
----------------------
مسامحك مسـامحك
وحبــــــــك في قلبي
مفرحني حبـــــــــــك
وبيجــــــري في دمي
وحبــــــــــك ياغالية
بيشـــيل عني همي
وأنـــــاباحكي العوازل
قلتلـــــة وقالــــــــــي
بحبـــــــــــك يا غالية
وبصـــــــوتي بغنــــي
والكون كلة يســــمع
حكايتـــــــك معايـــــا
ويغنــــــوا في غناوي
للدنيــــــــــا حكايتي
انينـــــي وحنينـــــي
اشـــــــواقي ولهيبي
وقســـــــوة حبايبــي
وســــــهدي ومنايــــا
وكلام العـــــــــــــوازل
يفرق مــــــــا يجمع
نجومي في ســمايا
بتبعد يـــــــــــا غالي
ولقلبـــــي بتجـــــرح
وقــــــربك دوايــــــــــا
بيطـــبب جــــروحــي
ومعاه تصفي روحي
وعشــقي وهوايـــــــا
----------------------
مســـامحك مسـامحك
وقلبـــــــــــي داعيلك
ومنايــــــا هوايــــــــا
يشــــــــلني واجيــلك
وهـــاقّبل يـــــاغالــــية
انـــا دايمـــــــــا جبينك
واخدك فـي حضنـــــي
طول عمري وسـنيني
واكتبــــــلك حروفـــي
فوق خـــــدي وجبيني
وتقوليلـــي دايمـــــــــا
تســــلملي حبيبـــــي
هازرعلك في قلبـــــي
ميتيـــن الـــــف وردة
هـــارويهــــــم بدمـــي
واســـــــقيهم حنينـي
ولـــــو تهتــي عنـــــي
في نهارك وليلـك
الورد يــــــاغالـــــــية
هيبقي دليلك
لكن مش هاســــامحك
من قلبي هاهد صرحك
وعيــــــوني تدعي ربي
يـــزود في جـــــــرحك
وتقاســــــــي انينــــــك
ويـــــــــزلك حنينــــــــــك
تيجي لحــــــــد منـــــي
تتمنـــــي رضــــــــــــــايا
ســــاعتها غصب عنـــي
هاســـمحك هاســــمحك
مـانتي حتـــــة منــــــي
وســـــــعدي وهنــــــايا
هاســـمحك هاســمحك
**********************
الشاعر الثائر
محمد محمود سالم
كفر الشيخ – بلطيم – الشرفا
ت/ 01226180906