ثلاث قصائد عامية للمسابقة الشاعر / حسن سعد حسن

السلام عليكم ورحمة الله وبركاته
شرف لى الاشتراك فى المسابقة
الاسم حسن سعد حسن عطا الله

القصيدة الأولى

قصيدة (ما نيش خايف )
شعر
( حسن سعد حسن )
ما نيش خايف
لكن شايف
وشوش تقلق
وما طمنش
عقول ضلمة
وإيد ظا لمة
تيجى تفهم
متستحملش
ونا س تا نية
سنا ن حا مية
لكن أحمى
من سنا ن
القرش
تا كل لحمك
ولا تكبرش
ونا س تا نية
مع العا يمة
لا هى صا حيه
ولا نا يمة
ووشوشها متتميزش
وفى الطا لعة
وفى النا زلة
عما لة تربى
فى كرش
تطبلك تزمرلك
تصفقلك تزغرد لك
وفى خيبتك تشكرلك
طالما معاك القرش
ونا س عا يشه
كدود المش
لا بتهش ولا بتنش
وخيوط العنكبوت
ع الوش
تقوم الدنيا أو تقعد
رموشها ما
ترمش
تيجبها يمين
تجيبها شمال
أهى مطاوعا ك
وما بتفرقش
عرفتوا ليه
ما نيش
خايف لكن
قلبى
ما مطمنش
القصيدة الثانية

مطلوب زعيم
الكاتب والشاعر/ حسن سعد حسن

مطلوب زعيم
ويكون ولد
ما تهزه ريح
زى الوتد
لا ينحنى
ولا ينكسر
يطلل علينا
فى المحن
ووقت الخطر
ويكون أ صيل
ما يهمنيش
إن كان قصير
أو كان طويل
إن كان قبيح
ولا جميل
أوحتى كا ن
بلسان طويل
المهم إنه
يكون ولد
حليم صبور
عنده عزيمة
وفيه جلد
وللغلابة ال
مطحونين
ستر ومدد
ويحترم حلف
اليمين
واللى ناخده
بالشمال
مايرجعش يا خده
باليمين
ويكون بسيط
كدة زينا
عارف همومنا
وجرحنا
حارس أمين
لشرف بلدنا
وأرضنا
مش للأعادى
يبيع فى خيرنا
ود منا

راجل تمام
مش يدى ودنه
للمدام أو للئام
بياع كلام
وأحلى كلمه
يحبهاكله
تمام التمام
وبتاع سلام
وان جه عدو
نكون وراه
وهوه الإمام
وع الكرامة
دايماً حريص
والمصرى عنده
مش رخيص
أو بلا ليص
عشان كدة
مطلوب زعيم
ويكون ولد
القصيدة الثالثة

أه م الجنيه بقلم / حسن سعد حسن
أه م الجنيه
ابن الجنى
لخبط حياتى
وجننى
أطبقه يلويلى بوزو
أبوس إيديه يبعد
عنى
أجمعه جنب اخواته
يستعجبوا ويضحكوا
منى
يا خلق حد
يفهمنى
سعادته ليه زعلان
منى؟!
رد عليه سيادته فى يوم
وقال لى إيه
تطلب منى؟!
أنا قلتله وبصوت
مخنوق
ياريت سعادتك
تسترنى
وتكون حنون وتخف
جنون
ولأخر الشهر
تكملنى
بص لى من تحت
لفوق
وقال يا عم صحصح
فوق
لو كنت عارف حالى
فى السوق
مكنتش تطلب كدة منى
دا أنا حالى يصعب ع
الغلبان
وعيشتى سودة وحالى
عدمان
ولايعدلوش حتى
الجنى
وقروشى حالهم ع الرحمن
إيه إللى مستنظره منى ؟!
أنا إللى كنت وكان يا
ما كان
كان ليه قيمة وليه
مكان
بقيت لبانة على كل
لسان
ودمعتى فرت
منى
بذمتك ما نتش
مكسوف
وإنته بتطلب كده
منى؟!!
باين عليك عقلك
مهفوف
ولا إنته ناوى
تجننى؟!!
وع العموم ربك موجود
هوالكريم وأكرم
منى
قادر فى يوم يعدل
حالى
وأتنصف
وتعيش منى

وفقنا الله ووإيكم وشكرا

الشاعر الجميل حسن سعد حسن شكرا لك على مشاركتك فى المسابقة
ونتمنى لك التوفيق والرقى المستمر
لك محبتنا وأجمل الورود

» ثلاث أغنيات للمسابقة
» ثلاث أغنيات للمسابقة أسامة العيسوى
» نص الشاعر عثمان الخضيرى للمسابقة الكبرى
» الشاعر علاء أبوذكري . (كيلوا بامية وشَبكنا إيدينا) للمسابقة
» الشاعر علاء أبوذكري وقصيدة(جودن مورجن يا أوطاني ) للمسابقة