وحـشــني البيــت

وحشني البيت ومتشوّق
لنور مكة وللحرمين
وشربة هنـيّـة من زمزم
ومن حسنك أمللي العين
بسافر طيف
على جناح الفضا ليكي
يفوتني الخوف
على اعتاب الأمان بيكي
وابص واشوف
وأسعى ويّـا أحبابك
والف واطوف
وأتذلل على بابك
وابوس فيكي الحجر الاسود
وفي حجرك أقوم واسجد
وقلبي بالرضا يهلل
وأدعي بجرأة وادّلل
منا فيكي فـ رحاب ربي
هو المولى
ويعرف أد إيه حبي
وكرمان الحبيب أولى