الشاعر..رضـا فايـد..شـعر غنائي..بكره يندم..كبرياء إنسان..لمي شراعك وارحلي

(1)...بكره يندم
....................
آه ياعيني ع المشاعر
لما اعزِّ الناس يخونها
يبقي جرح القلب واعر
والعهود تنشف جذورها

كنت فاكر خلي وافي
جوه قلبه أعيش حبيب
كنت اشيله بنن عينِّي
وانسي روحي لو يغيب

كان حبيبي وكل روحي
فرح عمري والسنين
كنت اسَهر دمع عيني
لجل عينه تنام سنيِن

بسِّ يظهر كنت واهم
دوقت طعم الغدر فيه
أصلِ قلبي يومها ساهم
إنِّ روحي تهون عليه

بكره يندم ع الليالي
لما طيفي يمرّ بيه
يفتكر أجمل قصايد
شِعرِ يوم كتَّبته ليه
..........................
(2)...كبرياء انسان
..............
خلاص ماشي وفايتلك
حروف الجرْح والاحزان
عشان بالرُّخص. بعتيني
فهنساكي ومش ندمان
يهون بعدك علي قلبي
واحسك زيف كانه ماكان
واصبر روحي واحبسها
وخليها وري.. القضبان
ولاعمري أعود... ليكي
خلاص بعتك وأنا الكسبان
وهاستني يطول... ليلك
وتنزل دمعتك... بركان
وتكوي قلبك... القاسي
تحسِّي الآهَّا والحرمان
وتتمنِّي أعود ....تاني
ويجري نهرك العطشان
ودا طبعً دا مش ممكن
أجيلك واطلب. الإحسان
بقول انسيني مـ الآخر
وحسِّي كبرياء.. إنسان
.............................
(3)...لمي شراعك وارحلي
.....................
لمي الشراع.. يللا ارحلي
وحدك ف ليلك.. واسهري
هاتي القمر... ويا النجوم
تسهر معاكي..... وفكري

مين اللي خان عهد الامان
خلي الزهور... قبل الاوان
تطرح ف شوك يملي المكان
ويهون فراقي ....وتهجري

مين اللي باع من غير وداع
نبض القلوب.. ينزف خداع
كل الصور.... وهم وضياع
جاوبيني........ لو بتقدري

كل اللي كان......بينا زمان
ود وحنان..... دلوقت هان
طب هونت ليه كان ذنبي ايه
قولي عليه...... لو تقدري

هتقولي ايه...... بعد البعاد
وانتي ابتديتي...... بالعناد
ابكي بدموع وانسي الرجوع
اياكي يوم....... تتصوري

لمي شراعك..... وارحلي
لمي شراعك..... وارحلي

» كبـرياء انـســــتان..الشاعر..رضـا فايـد
» الشاعر..رضـا فايـد..مربعات..رباعيات
» حـنـــــــــــــين..الشاعر..رضـا فايد
» إعلامنا ماسك جرس..الشاعر..رضــا فايـد
» الشاعر..رضـا فايــد..(زجـل ..شعر عاميه).أحلي الحروف..آه يا قلم..حلم كداب