المشاركة الثانية ( ليه ؟؟ ) قصيدة عامية

- ليه ؟
-----
ليه دمنا من غير تمن ؟
ليه ننقتل سر وعلن ؟
ليه عزنا ضاع واندفن ؟
ليه عمرنا اتلون شجن ؟
ليه نبقي عبره للزمن ؟
علشان دينار؟؟؟؟

خلانا شوفنا نهارنا ليل
والضحكة صابها الانكسار
خلى العزيز يصبح ذليل
والأمه عايشة فـ انهيار

امتنا نسيت همها
والخوف خلاص بيعمها
باعت بمالها دمها
شربت بمالها سمها
والحسرة توب بيضمها
ايه العمل ؟؟؟؟

طول ما الشباب شايل سلاح
لابد يظهر يوم أمل
شايف شعاع عزم وصلاح
قوم وانتفض وبلاش خمل

اطلع لفوق بالسلمة
افرد جناحك للسما
والا انت لسه لسه ما
تقدر تخوض الملحمة
طول ما الأمور متاذمة
خليك عنيد

دا أنت جدك كان صلاح
وقبله كان ابن الوليد
كبر وحى على الفلاح
وحطم القيد الحديد

شرفك يا عربي بيتسرق
ارضك يا عربي بتتحرق
واخوك فـ سجنه بيتشنق
وحماسنا باب وبينغلق
اصرخ وصيح

هو التاريخ بطل يقول
رغم ان قوله كان فصيح
لبوا ندا مسرى الرسول
لبوا ندا مهد المسيح

--------------

--

الشاعر الجميل ناصر على شكرا لك على مشاركتك فى المسابقة
ونتمنى لك التوفيق والرقى المستمر
لك محبتنا وأجمل الورود

» المشاركة الاولى ( يا سكة العمر ) قصيدة عامية
» الشاعرة منال درويش
» رسالة من بعيد ...... المشاركة الثانية
» قصيدة السندباد (عامية)
» قصيدة المزاد ( مسابقة شعراء العامية المصرية الثانية عن عام 2012)